loader image

adhooree ichchhaen : vargaanukram – a poem by Kumar Ambuj

katha-kahaaniyon mein aur idhar ke jeevan mein bhee
aasapaas koee na koee hamesha milata hai jo sochata hai
ki kabhee baith sakoonga havaee-jahaaz mein
ek shaam five staar hotal mein pee jaegee chaay
ki in sardiyon mein khareed hee loonga pyoravool ka kot

ek stree sochatee hai vah legee chaar barnar ka choolha
ek aadamee karata hai qareeb ke hil steshan ka khayaal
in ichchhaon kee lau jalatee hai sapanon mein lagaataar
isee beech yakaayak bujh jaatee hai jeevan-jyoti hee
udhar ek aadamee sapana dekhata hai bharapet bhojan ka

kalpana mein lagaata hai manacheete vyanjanon ka bhog
neend mein hee leta hai svaad naanaaprakaar
sapane mein aa jaatee hai tripti kee dakaar
onthon se thodee tak risakar phailatee hai laar
bhinabhinaatee hain makkhiyaan.

adhooree ichchhaen : vargaanukram

742
By: Kumar Ambuj

© 2023 Pothi | All Rights Reserved

Do not copy, Please support by sharing!