loader image

madhyavargeey vijayavargeey – a poem by Kumar Ambuj

unaka sapana yahee tha ki tanakhvaah se chala loonga ghar-baar
kabhee sun loonga sangeet, ghoomoonga-phiroonga, miloonga-juloonga sabase
lekin naamaakool paikej dekar chalavae ja rahe hain unase
tamaam bank, sho-room, mol, super baazaar
jahaan bajata hee rahata hai vah lokapriy sangeet
jo parivaar mein bhar deta hai atapatee raftaar
ek gajab ka jvaar

is tarah vijayavargeey hain ek madhyavargeey bekaraar
ek adhoore naagarik, ek adhoore khareedadaar
poora hone ke lie aazaad lekin chaakaree hai chaudah ghante kee
ve aazaad hain magar unhen ofis mein hee milatee hai rotee aur chaay
ve aazaad hain lekin indradhanush dekhe guzar gae gyaarah saal

udhar badhate hee jaate hain ajeebo-gareeb saamaan banaanevaale kaarakhaane
idhar khidakee se gaayab ho jaate hain khet, nadiyaan, ped aur pahaad
dikhane lagata hai attaalikaon ka kabaad

unake ghar mein bhee jutata chala jaata hai saamaan-dar-saamaan
itana ki ve samajh jaate hain yadi ek shabd bhee bole khilaaf
to unake paas khone ke lie kitana kuchh hai ek saath.

698
By: Kumar Ambuj

© 2022 Pothi | All Rights Reserved

Do not copy, Please support by sharing!