sun raha hoon
pahar-bhar se
anuranan—
maalavaahee khachcharon kee ghantiyon ke
nirantar yah
tilin-tin tin
tin-tina-tan-taan!
sun raha hoon anuranan!
aur sab soe hue hain
uma, somoo, basantee, shekhar, kamal…
sabhee to soe pade hain!
akele mein jag gaya hoon
sun raha hoon
maalavaahee khachcharon kee
ghantiyon ke anuranan
dooragaamee khachcharon kee
ghantiyon ke anuranan
shruti-madhur hai yah kvanan
mukhy path se door
ve pagadandiyaan hain
bhaaravaahee khachcharon ke
khuron se raundee huee hain
pahaadee graamaanchalon tak
trak to jaate nahin hain!
kaun un tak maal pahunchae
tel, cheenee, namak, aata—
gud ‘ya’ maachis—momabattee
dava-daaroo ya ki chaaval-daal
eedhan, loh-lakkad
saahabon kee kursiyaan tak
khachcharon kee peeth par hee ladee hoteen!
nikar ya bushashart..
redeemed saare
shishu-janochit
sabhee kuchh to
khachcharon kee peeth par hee lada rahata
pahunchata hai door-door…
pahaadee graamaanchalon tak…
kya pithauraagadh-bhuvaalee…
raaneekhet—almoda … kaheen bhee
pahunchane kee
nijee hee pagadandiyaan hain
khachcharon ke khuron se raundee huee
ve yugon tak
itar saadhaaran janon kee
path-pradarshak…
sun raha hoon
khachcharon kee
ghantiyon kee anuranan…
nity hee sunata rahoonga…
raatri ke antim prahar mein….
bhaaravaahee khachcharon kee
ghantiyon ke anuranan—
taalamay, kramabaddh…