ek-ek ko golee maaro jee haan,
jee haan, jee haan, jee haan …
haan-haan, bhaee, mujhako bhee tum golee maaro
baaroodee chharre se meree sadgati ho …
main bhee yahaan shaheed banoonga
aspataal kee khatiya par kyon praan tajoonga
haan, haan, bhaee, mujhako bhee tum golee maaro
patit buddhijeevee jamaat mein aag laga do
yon to inakee laashon ko kya geedh chhuenge
galit kushthavaalee kaaya ko
kutte bhee to soongh-soonghakar door hatenge
apanee maut inhen marane do …
tum mat jaaya karana
apana vo baaroodee chharra inakee khaatir
varg shatru to dher pade hain,
inakee hee laashon se ab tum
bhoomi paatate chalana
ham to, bhaiya, lage kinaare …
nahin, nahin, ye praan hamaare
denge, denge, denge, denge, denge
sang tumhaare, saath tumhaare
main na abhee marane vaala hoon …
mar-mar kar jeene vaala hoon …