loader image

streedhan – a poem by Anuradha Ananya

naanee-daadee
maen, mausee, maamee, chaachee
nae kapadon, gahanon ko
sambhaalakar rakhatee hain
gahare sandook mein
betiyon ke byaah ke lie
bahuon ke shrrngaar ke lie!

sandook ke aasapaas
dolatee hain bachchiyaan
kisee khazaane ke khulane ka
intazaar karatee huee

aur poochh letee hain
kya ye mere lie hain?
ye chamakeela chaandee ka gilaas
sitaaron vaalee chunar
naanee kee nath, daadee ka haar

haanmee bharatee huee
maan uthaatee hain
ek-ek tah ko
tah se udhadatee huee smrtiyaan
naanee, daadee ya unakee bhee naanee, daadiyon ke chehare dikhaatee hain

phir se jama dee jaatee hai tahen sandook mein
is tarah streedhan ke rahasy bhee
chhip jaate hain tahon mein

aur sandook ke paas dolatee bachchiyaan
anajaan hain in tahon kee paraton mein chhipee peedaon aur aashankaon se

yahee prakram peedhiyon se doharaaya jaata hai
khola jaata hai bhaaree sandook
peedhee-dar-peedhee
isee tarah ughadate hain
tahon mein jame peedhiyon ke chehare
duhkhon kee kahaanee, zulmon kee saazishen

phir jamaee jaatee hain tahen qareene se
peedhee-dar-peedhee

streedhan ke roop mein
dhoye jaate hain yahee bhaaree sandook
bachchiyon ke dvaara
har peedhee mein…

Add Comment

By: Anuradha Ananya

© 2021 Pothi | All Rights Reserved

Do not copy, Please support by sharing!