loader image

ek panna aur bas main

mainne saare kshobh ko batora
aur kalam uthaee
phir apane saare dukhon ko ,niraasha ko, thakaan ko
shabdon me piro kar kaagaz par raseed kar diya
jaise poora man khaalee ho gaya ho kore kaagaz par
raahat bunatee chalee gaee ek-ek harf ke saath-saath
apane lie
poora man khaalee ho gaya
labaalab bhara hua tha pyaar se, dhokhe se, niraasha se, thakaan se, dukh se, aas se
khaalee ho gaya ek kaagaz par
dimaag parat-dar-parat khulata chala gaya
kenchulee see utaratee gaee saaree paraten
paraton mein chhipa ek gaana, ek kahaanee, ek rahasy, ek yaad, ek dhokha, pyaar,
kuchh yojanaen, kuchh drshy, kuchh shabd aur ek kalam bhaasha ke roop mein utarate gae
udhadata gaya labaalab bhara hua man aur parat-dar-parat dimaag ek hee panne par
ek neend kamaoongee ab
apane aalingan se hee
khud ko sunaate hue loree
bunoongee ek sapana, ek gaana, ek kahaanee, ek yaad, ek ahasaas, pyaar,
dheron ichchhaen, yojanaen, kuchh shabd, ek panna, ek qalam aur bas ek main..

Add Comment

By: Anuradha Ananya

© 2021 Pothi | All Rights Reserved

Do not copy, Please support by sharing!