loader image

raah-numa ban jaoon

dard jis dil mein ho us dil kee dava ban jaoon
koee beemaar agar ho to shifa ban jaoon
dukh mein hilate hue lab kee main dua ban jaoon
uf vo aankhen ki hain beenaee se maharoom kaheen
raushanee jin mein nahin noor jin aankhon mein nahin
main in aankhon ke lie noor-e-ziya ban jaoon
hae vo dil jo tadapata hua ghar se nikale
uf vo aansoo jo kisee deeda-e-tar se nikale
main us aansoo ke sukhaane ko hava ban jaoon
door manzil se agar raah mein thak jae koee
jab musaafir kaheen raste se bhatak jae
koee khizr ka kaam karoon raah-numa ban jaoon
umr ke bojh se jo log dabe jaate hain
na-tavaanee se jo har roz jhuke jaate hain
un zaeefon ke sahaare ko asa ban jaoon
khidamat-e-khalq ka har samt mein charcha kar doon
maadar-e-hind ko jannat ka namoona kar doon
ghar kare dil mein jo afasar vo sada ban jaoon

786

Add Comment

By: Afsar Merathi

© 2021 Pothi | All Rights Reserved

Do not copy, Please support by sharing!