loader image

tajassus – a nazm by Akhtar Rahi

is sarae mein musaafir ka qayaam
ek lamha be-yaqeenee ka
jis ko jannat ya jahannam jo bhee kah lo
kya kisee pe inhisaar
har koee apane amal ka zimmedaar

bhool kar bhee ye na socho
ki muqaddar bhee banaata hai koee
varna jo hai saamane chup-chaap dekho
kya bhala hai kya bura
jab talak sahane kee taaqat hai saho
haal-e-dil apana kisee se mat kaho
ab to rasman hee zabaan par pursish-e-ahavaal hai
dam dilaasa pyaar hamadardee khuloos
aise sab alfaaz seene kee lugat se ud chuke hain

is sarae mein musaafir ka qayaam
maut ke khatake se mar jaane ka naam!

tajassus

600

Add Comment

By: Akhtar Rahi

© 2022 Pothi | All Rights Reserved

Do not copy, Please support by sharing!