niwala
maa hai resham ke kaarakhaane mein
baap masaroof sootee mil mein hai
kokh se maan kee jab se nikala hai
bachcha kholee ke kaale dil mein hai
jab yahaan se nikal ke jaega
kaarakhaanon ke kaam aaega
apane majaboor pet kee khaatir
bhookh saramae kee badhaega
haath sone ke phool ugalenge
jism chaandee ka dhan lutaega
khidakiyaan hongee baink kee raushan
khoon us ka die jalaega
ye jo nanha hai bhola-bhaala hai
sirf saramae ka nivaala hai
poochhatee hai ye usakee khaamoshee
koee mujhako bachaane vaala hai!