mere ghar mein paanch jodee aankhen hain
maa kee aankhen
padaav se pahale hee
teerth-yaatra kee bas ke
do panchar pahiye hain.
pita kee aankhen…
lohasaany-see thandee shalaakhen hain.
betee kee aankhen… mandir mein deevat par
jalate ghee ke
do diye hain.
patnee kee aankhen, aankhen nahin
haath hain, jo mujhe thaame hue hain.
vaise ham svajan hain,
kareeb hain
beech kee deevaar ke donon or
kyonki ham peshevar gareeb hain.
rishte hain,
lekin khulate nahin hain.
aur ham apane khoon mein itana bhee loha
nahin paate
ki ham usase ek taalee banaate
aur bhaasha ke bhunnaasee taale ko kholate
rishton ko sochate hue
aapas me pyaar se bolate
kahate ki ye pita hain
yah pyaaree maan hai,
yah meree betee hai
patnee ko thoda alag
karate…too meree
hamabistar nahin…meree
hamasafar hai
ham thoda jokhim uthaate
deevaar par haath rakhate aur kahate…
yah mera ghar hai