loader image

kavi kul parampara – a poem by Badrinarayan

aakaash mein mera ek naayak hai
raahoo
gagan dakshinaavart mein jag-jag karata
dheer mandaraachal-sa
sindha, turahee baja jayaghosh karata

chandrama dvaara apane viruddh kie gae shadayantron ko
man mein dhare
munjavat parvat par aakraman karata
ek grahan ke beetane par doosare grahan ke aane kee karata taiyaaree

vakshasthal par suvarnaalankaar, jisake kaanchan ke shirastraan
braj ke khilaaf ek ajasr shilaakhand
bhujaon mein uthae
anant dev-nakshatron ka akela aakraman jhelata

atal samudr kee tarah gahara
aur van-vitaan kee tarah phaila hua
taasa-danka bajaata
aur katta laharaata hua .

rigved ke kisee bhee mandal ke agar kisee bhee kavi ne
us par likha hota ek bhee chhand to mujhe
apanee kavi kul parampara par garv hota

Add Comment

By: Badrinarayan

© 2021 Pothi | All Rights Reserved

Do not copy, Please support by sharing!