loader image

toophaanon kee or ghuma do naavik

toophaanon kee or ghuma do naavik nij patavaar

aaj sindhu ne vish ugala hai
laharon ka yauvan machala hai
aaj hrday mein aur sindhu mein
saath utha hai jvaar

toophaanon kee or ghuma do naavik nij patavaar

laharon ke svar mein kuchh bolo
is andhad mein saahas tolo
kabhee-kabhee milata jeevan mein
toophaanon ka pyaar

toophaanon kee or ghuma do naavik nij patavaar

yah aseem, nij seema jaane
saagar bhee to yah pahachaane
mittee ke putale maanav ne
kabhee na maanee haar

toophaanon kee or ghuma do naavik nij patavaar

saagar kee apanee kshamata hai
par maanjhee bhee kab thakata hai
jab tak saanson mein spandan hai
usaka haath nahin rukata hai
isake hee bal par kar daale
saaton saagar paar

toophaanon kee or ghuma do naavik nij patavaar

596

Add Comment

© 2023 Pothi | All Rights Reserved

Do not copy, Please support by sharing!