loader image

Famous sher of Tanveer Sipra

ai raat mujhe maan kee tarah god mein le le
din bhar kee mashaqqat se badan toot raha hai


aurat ko samajhata tha jo mardon ka khilauna
us shakhs ko daamaad bhee vaisa hee mila hai


shaayad yoonhee simat saken ghar kee zarooraten
tanveer maan ke haath mein apanee kamaee de


mil maalik ke kutte bhee charbeele hain
lekin mazadooron ke chehare peele hain


ab tak mire aasaab pe mehanat hai musallat
ab tak mire kaanon mein masheenon kee sada hai


jo kar raha hai doosaron ke zehan ka ilaaj
vo shakhs khud bahut bada zehanee mareez hai


aaj bhee sipra us kee khushboo mil maalik le jaata hai
main lohe kee naaf se paida jo kastooree karata hoon


ham hizb-e-ikhtilaaf mein bhee mohataram hue
vo iqtidaar mein hain magar be-viqaar hain


main apane bachapane mein chhoo na paaya jin khilaunon ko
unhee ke vaaste ab mera beta bhee machalata hai


dihaat ke vajood ko qasba nigal gaya
qasbe ka jism shahar kee buniyaad kha gaee


869

Add Comment

By: Tanveer Sipra

© 2022 Pothi | All Rights Reserved

Do not copy, Please support by sharing!