varadaan maangoonga nahin – a poem by Shivmangal

yah haar ek viraam hai
jeevan mahaasangraam hai
til-til mitoonga par daya kee bheekh main loonga nahin.
varadaan maangoonga nahin..

s‍mrti sukhad praharon ke lie
apane khandaharon ke lie
yah jaan lo main vish‍va kee sampatti chaahoonga nahin.
varadaan maangoonga nahin..

k‍ya haar mein k‍ya jeet mein
kinchit nahin bhayabheet main
sangharsh path par jo mile yah bhee sahee vah bhee sahee.
varadaan maangoonga nahin..

laghuta na ab meree chhuo
tum ho mahaan bane raho
apane hriday kee vedana main v‍yarth t‍yaagoonga nahin.
varadaan maangoonga nahin..

chaahe hrday ko taap do
chaahe mujhe abhishaap do
kuchh bhee karo karttavy path se kintu bhaagoonga nahin.
varadaan maangoonga nahin..