ham panchhee un‍muk‍ta gagan ke

ham panchhee un‍muk‍ta gagan ke
pinjarabaddh na ga paenge,
kanak-teeliyon se takaraakar
pulakit pankh toot jaainge.

ham bahata jal peenevaale
mar jaenge bhookhe-p‍yaase,
kaheen bhalee hai katuk niboree
kanak-katoree kee maida se,

s‍varn-shrrinkhala ke bandhan mein
apanee gati, udaan sab bhoole,
bas sapanon mein dekh rahe hain
taroo kee phunagee par ke jhoole.

aise the aramaan ki udate
neel gagan kee seema paane,
laal kiran-see chonchakhol
chugate taarak-anaar ke daane.

hotee seemaaheen kshitij se
in pankhon kee hoda-hodee,
ya to kshitij milan ban jaata
ya tanatee saanson kee doree.

need na do, chaahe tahanee ka
aashray chhin‍na-bhin‍na kar daalo,
lekin pankh die hain, to
aakul udaan mein vigh‍na na daalo.