baat kee baat – a poem by Shivmangal Singh

is jeevan mein baithe thaale aise bhee kshan aa jaate hain
jab ham apane se hee apanee beetee kahane lag jaate hain.

tan khoya-khoya-sa lagata man urvar-sa ho jaata hai
kuchh khoya-sa mil jaata hai kuchh mila hua kho jaata hai.

lagata; sukh-dukh kee s‍mrtiyon ke kuchh bikhare taar buna daaloon
yon hee soone mein antar ke kuchh bhaav-abhaav suna daaloon

kavi kee apanee seemaain hai kahata jitana kah paata hai
kitana bhee kah daale, lekin-anakaha adhik rah jaata hai

yon hee chalate-phirate man mein bechainee see k‍yon uthatee hai?
basatee bas‍tee ke beech sada sapanon kee duniya lutatee hai

jo bhee aaya tha jeevan mein yadi chala gaya to rona k‍ya?
dhalatee duniya ke daanon mein sudhiyon ke taar pirona k‍ya?

jeevan mein kaam hajaaron hain man ram jae to k‍ya kahana!
daud-dhoop ke beech ek-kshan, tham jae to k‍ya kahana!

kuchh khaalee khaalee hoga hee jisamen nish‍vaas samaaya tha
usase hee saara jhagada hai jisane vish‍vaas churaaya tha

phir bhee soonaapan saath raha to gati doonee karanee hogee
saanche ke teevr-vivart‍tan se man kee poonee bharanee hogee

jo bhee abhaav bharana hoga chalate-chalate bhar jaega
path mein gunane baithoonga to jeena doobhar ho jaega.

baat kee baat