loader image

mrittika deep – a poem by Shivmangal Singh

mrittika ka deep tab tak jalega animesh
ek bhee kan sneh ka jab tak rahega shesh.

haay jee bhar dekh lene do mujhe
mat aankh meecho
aur ukasaate raho baatee
na apane haath kheencho
praat jeevan ka dikha do
phir mujhe chaahe bujha do
yon andhere mein na chheeno-
haay jeevan-jyoti ke kuchh ksheen kan avashesh.

todate ho kyon bhala
jarjar rooee ka jeern dhaaga
bhool kar bhee to kabhee
mainne na kuchh varadaan maanga
sneh kee boonden chuvao
jee kare jitana jalao
haath ur par dhar batao
kya milega dekh mera dhoomr kaalikh vesh.

shaanti, sheetalata, aparichit
jalan mein hee janm paaya
sneh aanchal ke sahaare
hee tumhaare dvaar aaya
aur phir bhee mook ho tum
yadi yahee to phoonk do tum
phir kise nirvaan ka bhay
jab amar hee ho chukega jalan ka sandesh.

693

Add Comment

© 2022 Pothi | All Rights Reserved

Do not copy, Please support by sharing!