loader image

jis jisase path par sneh mila

jis jisase path par sneh mila
us us raahee ko dhanyavaad.

jeevan asthir anajaane hee
ho jaata path par mel kaheen
seemit pag-dag, lambee manzil
tay kar lena kuchh khel nahin

daen-baen sukh-dukh chalate
sammukh chalata path ka pramaad
jis jisase path par sneh mila
us us raahee ko dhanyavaad.

saanson par avalambit kaaya
jab chalate-chalate choor huee
do sneh-shabd mil gae, milee
nav sphoorti thakaavat door huee

path ke pahachaane chhoot gae
par saath-saath chal rahee yaad
jis jisase path par sneh mila
us us raahee ko dhanyavaad.

jo saath na mera de pae
unase kab soonee huee dagar
main bhee na chaloon yadi to bhee kya
raahee mar lekin raah amar

is path par ve hee chalate hain
jo chalane ka pa gae svaad
jis jisase path par sneh mila
us us raahee ko dhanyavaad.

kaise chal paata yadi na mila
hota mujhako aakul-antar
kaise chal paata yadi milate
chir-trpti amarata-poorn prahar

aabhaaree hoon main un sabaka
de gae vyatha ka jo prasaad
jis jisase path par sneh mila
us us raahee ko dhanyavaad.

598

Add Comment

© 2022 Pothi | All Rights Reserved

Do not copy, Please support by sharing!