loader image

jo tum aa jaate ek baar

jo tum aa jaate ek baar

kitanee karoona kitane sandesh
path mein bichh jaate ban paraag
gaata praanon ka taar taar
anuraag bhara unmaad raag

aansoo lete ve path pakhaar
jo tum aa jaate ek baar

hans uthate pal mein aardr nayan
dhul jaata hothon se vishaad
chha jaata jeevan mein basant
lut jaata chir sanchit viraag

aankhen deteen sarvasv vaar
jo tum aa jaate ek baar

783

Add Comment

By: Mahadevi Verma

© 2022 Pothi | All Rights Reserved

Do not copy, Please support by sharing!