loader image

ab to path yahee hai

jindagee ne kar liya sveekaar,
ab to path yahee hai.

ab ubharate jvaar ka aaveg maddhim ho chala hai,
ek halaka sa dhundhalaka tha kaheen, kam ho chala hai,
yah shila pighale na pighale, raasta nam ho chala hai,
kyon karoon aakaash kee manuhaar ,
ab to path yahee hai .

kya bharosa, kaanch ka ghat hai, kisee din phoot jae,
ek maamoolee kahaanee hai, adhooree chhoot jae,
ek samajhauta hua tha raushanee se, toot jae,
aaj har nakshatr hai anudaar,
ab to path yahee hai.

yah ladaee, jo kee apane aap se mainne ladee hai,
yah ghutan, yah yaatana, keval kitaabon mein padhee hai,
yah pahaadee paanv kya chadhate, iraadon ne chadhee hai,
kal dareeche hee banenge dvaar,
ab to path yahee hai.

653

Add Comment

By: Dushyant Kumar

© 2021 Pothi | All Rights Reserved

Do not copy, Please support by sharing!