ve muskaate phool, nahin
jinako aata hai murajhaana,
ve taaron ke deep, nahin
jinako bhaata hai bujh jaana!
ve soone se nayan, nahin
jinamen banate aansoo motee,
vah praanon kee sej, nahee
jisamen besudh peeda, sotee!
ve neelam ke megh, nahin
jinako hai ghul jaane kee chaah
vah anant rituraaj, nahin
jisane dekhee jaane kee raah!
aisa tera lok, vedana
nahin, nahin jisamen avasaad,
jalana jaana nahin, nahin
jisane jaana mitane ka svaad!
kya amaron ka lok milega
teree karuna ka upahaar
rahane do he dev! are
yah mere mitane ka adhikaar!