loader image

madhur-madhur mere deepak jal

madhur-madhur mere deepak jal!
yug-yug pratidin pratikshan pratipal
priyatam ka path aalokit kar!

saurabh phaila vipul dhoop ban
mrdul mom-sa ghul re, mrdu-tan!
de prakaash ka sindhu aparimit,
tere jeevan ka anu gal-gal
pulak-pulak mere deepak jal!

taare sheetal komal nootan
maang rahe tujhase jvaala kan;
vishv-shalabh sir dhun kahata main
haay, na jal paaya tujhamen mil!
sihar-sihar mere deepak jal!

jalate nabh mein dekh asankhyak
sneh-heen nit kitane deepak
jalamay saagar ka ur jalata;
vidyut le ghirata hai baadal!
vihans-vihans mere deepak jal!

drum ke ang harit komalatam
jvaala ko karate hrdayangam
vasudha ke jad antar mein bhee
bandee hai taapon kee halachal;
bikhar-bikhar mere deepak jal!

mere nisvaason se drutatar,
subhag na too bujhane ka bhay kar.
main anchal kee ot kiye hoon!
apanee mrdu palakon se chanchal
sahaj-sahaj mere deepak jal!

seema hee laghuta ka bandhan
hai anaadi too mat ghadiyaan gin
main drg ke akshay koshon se-
tujhamen bharatee hoon aansoo-jal!
sahaj-sahaj mere deepak jal!

tum aseem tera prakaash chir
khelenge nav khel nirantar,
tam ke anu-anu mein vidyut-sa
amit chitr ankit karata chal,
saral-saral mere deepak jal!

too jal-jal jitana hota kshay;
yah sameep aata chhalanaamay;
madhur milan mein mit jaana too
usakee ujjaval smit mein ghul khil!
madir-madir mere deepak jal!
priyatam ka path aalokit kar!

895

Add Comment

By: Mahadevi Verma

© 2021 Pothi | All Rights Reserved

Do not copy, Please support by sharing!