loader image

neem – a poem by Subhadra Kumari Chauhan

sab dukhaharan sukhakar param he neem! jab dekhoon tujhe.
tuhi jaanakar ati laabhakaaree harsh hota hai mujhe.
ye lahalahee pattiyaan haree, sheetal pavan barasa raheen.
nij mand meethee vaayu se sab jeev ko harasha raheen.
he neem! yadyapi too kadoo, nahin ranch-maatr mithaas hai.
upakaar karana doosaron ka, gun tihaare paas hai.
nahin ranch-maatr suvaas hai, nahin phoolatee sundar kalee.
kaduve phalon aru phool mein too sarvada phoolee-phalee.
too sarvagunasampann hai, too jeev-hitakaaree badee.
too du:khahaaree hai priye! too laabhakaaree hai badee.
hai kaun aisa ghar yahaan jahaan kaam tera nahin pada.
ye jan tihaare hee sharan he neem! aate hain sada.
teree krpa se sukh sahit aanand paate sarvada.
too rogamukt anek jan ko sarvada karatee rahai.
is bhaanti se upakaar too har ek ka karatee rahai.
praarthana hari se karoon, hiy mein sada yah aas ho.
jab tak rahen nabh, chandr-taare soory ka parakaas ho.
tab tak hamaare desh mein tum sarvada phoola karo.
nij vaayu sheetal se pathik-jan ka hrday sheetal karo.

456

Add Comment

© 2021 Pothi | All Rights Reserved

Do not copy, Please support by sharing!