loader image

paanee aur dhoop – a poem by Subhadra Kumari Chauhan

abhee abhee thee dhoop, barasane
laga kahaan se yah paanee
kisane phod ghade baadal ke
kee hai itanee shaitaanee.

sooraj ne k‍yon band kar liya
apane ghar ka daravaaja
usakee maan ne bhee k‍ya usako
bula liya kahakar aaja.

zor-zor se garaj rahe hain
baadal hain kisake kaaka
kisako daant rahe hain, kisane
kahana nahin suna maan ka.

bijalee ke aangan mein am‍maan
chalatee hai kitanee talavaar
kaisee chamak rahee hai phir bhee
k‍yon khaalee jaate hain vaar.

k‍ya ab tak talavaar chalaana
maa ve seekh nahin pae
iseelie k‍ya aaj seekhane
aasamaan par hain aae.

ek baar bhee maan yadi mujhako
bijalee ke ghar jaane do
usake bach‍chon ko talavaar
chalaana sikhala aane do.

khush hokar tab bijalee degee
mujhe chamakatee see talavaar
tab maan kar na koee sakega
apane oopar at‍yaachaar.

pulisamain apane kaaka ko
phir na pakadane aaenge
dekhenge talavaar door se hee
ve sab dar jaenge.

agar chaahatee ho maan kaaka
jaen ab na jelakhaana
to phir bijalee ke ghar mujhako
tum jal‍dee se pahunchaana.

kaaka jel na jaenge ab
toojhe manga doongee talavaar
par bijalee ke ghar jaane ka
ab mat karana kabhee vichaar.

894

Add Comment

© 2022 Pothi | All Rights Reserved

Do not copy, Please support by sharing!