loader image

parichay – a poem by Subhadra Kumari Chauhan

kya kahate ho kuchh likh doon main
lalit-kalit kavitaen.
chaaho to chitrit kar doon
jeevan kee karun kathaen.

soona kavi-hrday pada hai,
isamen saahity nahin hai.
is lute hue jeevan mein,
ab to laality nahin hai.

mere praanon ka sauda,
karatee antar kee jvaala.
besudh-see karatee jaatee,
kshan-kshan viyog kee haala.

neeras-sa hota jaata,
jaane kyon mera jeevan.
bhoolee-bhoolee see phiratee,
lekar yah khoya-sa man.

kaise jeevan kee pyaalee tootee,
madhu raha na baakee?
kaise chhut gaya achaanak
mera matavaala saakee??

sudh mein mere aate hee
mera chhip gaya sunahala sapana.
kho gaya kahaan par jaane?
jeevan ka vaibhav apana.

kyon kahate ho likhane ko,
padh lo aankhon mein sahrday.
meree sab maun vyathaen,
meree peeda ka parichay.

789

Add Comment

© 2022 Pothi | All Rights Reserved

Do not copy, Please support by sharing!