loader image

kitaaben – a poem by Ekta Nahar

main jab padhana seekh rahee thee
us rangabirangee kitaab mein
‘byooteephul’ ka vilom likha tha ‘agalee’
aur usake saath bana tha
ek ladakee ka chehara muhaanson ke saath
kisee ko samajhaanee nahin padee mujhe badasooratee kee paribhaasha
meree klaas kee ladakiyon mein antar karana seekh gayee thee main

phir agale pej par likha tha ‘phaarmar’
aur usake aage bana tha
baniyaan pahane aur gale mein tauliya daale ek aadamee
usake baad mainne kisee lambee gaadee ya bangale mein
desh ke kisaan kee kalpana nahin kee
mainne jaana ki kisaanon ka naseeb ‘gareebee’ hai
mainne apanee droing buk mein
boodha bojha uthae hal chalaate duhkhee kisaan banaaya tha

phir unhonne mujhe sikhaaya ‘gud tach, baid tach’
koee kaise-kaise chhoota hai bure dhang se
par unhonne kabhee nahin sikhaaya mujhe
ki dost duhkhee ho to use gale lagaakar kaise pyaar karate hain
‘gud tach’ mein mainne kuchh nahin seekha

un kitaabon mein dohe, kavitaen sab gore rang ke lie likhee theen
shyaam ne bhee kaha ki ‘raadha kyon goree main kyon kaala’
mainne unheen dinon se apane kaale rang ko kosana shuroo kiya
apanee kopee mein mainne ‘sundarata’ ka paryaayavaachee ‘gora’ likh liya tha

phir padheen mainne kuchh naseehaten, seekhen
aurat kee aabaroo, izzat, maryaada ke baare mein
charitr pramaan patr ke lie mera bhala hona apekshit nahin
vah to achhoote rahane se milata hai
padhate-padhate mera dimaag abhyast ho gaya
ki izzat yaanee ‘varjinitee’

mere bete ke lie bhee lee hain mainne is saal kuchh kitaaben
padhana seekh raha hai vo
aajakal kahata hai ‘bee phor boy’, ‘jee phor garl’
antar poochh raha hai mujhase vo!

Add Comment

By: Ekta Nahar

© 2021 Pothi | All Rights Reserved

Do not copy, Please support by sharing!