loader image

tumhaare bagair main hota hee nahin

tumhaare bagair main bahut khachaakhach rahata hoon
yah duniya saaree dhakkam-pel sahit
beghar paash kee dahaleezen laanghakar aatee-jaatee hai

tumhaare bagair main poore ka poora toofaan hota hoon
jvaar-bhaata aur bhookamp hota hoon

tumhaare bagair
mujhe roz milane aate hain aaeenstain aur lenin
mere saath bahut baaten karate hain
jinamen tumhaara bilakul hee zikr nahin hota

masalan, samay ek aisa parinda hai
jo gaanv aur tahaseel ke beech udata rahata hai
aur kabhee nahin thakata,
sitaare zulfon mein gunthe jaate
ya zulfen sitaaron mein, ek hee baat hai

masalan, aadamee ka ek aur naam menashevik hai
aur aadamee kee asaliyat har saans ke beech ko khojana hai
lekin haay-haay!
beech ka raasta kaheen nahin hota

vaise in saaree baaton se tumhaara zikr gaayab rahata hai.

tumhaare bagair
mere pars mein hamesha hee hitalar ka chitr pared karata hai
us chitr kee prshthabhoomi mein
apane gaanv ke poore veeraane aur banjar kee patavaar hotee hai
jisamen mere dvaara nikkee ke byaah mein giravee rakhee zameen ke siva
bachee zameen bhee sirf jarmanon ke lie hee hotee hai.

tumhaare bagair, main siddhaarth nahin, buddh hota hoon
aur apana raahul
jise kabhee janm nahin dena,
kapilavastu ka uttaraadhikaaree nahin
ek bhikshu hota hai.

tumhaare bagair mere ghar ka farsh sej nahin
eenton ka ek samaaj hota hai,
tumhaare bagair sarapanch aur usake gurge
hamaaree gupt daak ke bhedie nahin
shreemaan bee.dee.o. ke karmachaaree hote hain
tumhaare bagair avataar sinh sandhoo mahaz paash
aur paash ke sivaay kuchh nahin hota.

tumhaare bagair dharatee ka gurutv
bhugat rahee duniya kee taqadeer hotee hai
ya mere jism ko kharonchakar guzarate a-haadase
mere bhavishy hote hain

lekin kindar! jalata jeevan maathe lagata hai
tumhaare bagair main hota hee nahin.

Add Comment

By: Avtar Singh Sandhu (Pash)

© 2021 Pothi | All Rights Reserved

Do not copy, Please support by sharing!