barason tadapakar tumhaare lie
main bhool gaya hoon kab se, apanee aavaaz kee pahachaan
bhaasha jo mainne seekhee thee, manushy jaisa lagane ke lie
main usake saare akshar jodakar bhee
mushkil se tumhaara naam hee bana saka
mere lie varn apanee dhvani kho baithe hain bahut der se
main ab likhata nahin- tumhaare dhoopiya angon kee sirf
parachhaeen pakadata hoon.
kabhee tumane dekha hai- lakeeron ko bagaavat karate?
koee bhee akshar mere haathon se
tumhaaree tasveer banakar hee nikalata hai
tum mujhe haasil ho (lekin) qadam-bhar kee dooree se
shaayad yah qadam meree umr se hee nahin
mere kaee janmon se bhee bada hai
yah qadam phailate hue lagaataar
rok lega meree pooree dharatee ko
yah qadam maap lega mrt aakaashon ko
tum desh mein hee rahana
main kabhee lautoonga vijeta kee tarah tumhaare aangan mein
is qadam ya mujhe
zaroor donon mein se kisee ko qatl hona hoga.