mere nagapati! mere vishaal!
saakaar, divy, gaurav viraat,
pauroosh ke punjeebhoot jvaal!
meree jananee ke him-kireet!
mere bhaarat ke divy bhaal!
mere nagapati! mere vishaal!
yug-yug ajey, nirbandh, mukt,
yug-yug garvonnat, nit mahaan,
nisseem vyom mein taan raha
yug se kis mahima ka vitaan?
kaisee akhand yah chir-samaadhi?
yativar! kaisa yah amar dhyaan?
too mahaashoony mein khoj raha
kis jatil samasya ka nidaan?
ulajhan ka kaisa visham jaal?
mere nagapati! mere vishaal!
o, maun, tapasya-leen yatee!
pal bhar ko to kar drgunmesh!
re jvaalaon se dagdh, vikal
hai tadap raha pad par svadesh.
sukhasindhu, panchanad, brahmaputr,
ganga, yamuna kee amiy-dhaar
jis punyabhoomi kee or bahee
teree vigalit karuna udaar,
jiske dvaaron par khada kraant
seemaapati! too ne kee pukaar,
pad-dalit ise karana peechhe
pahale le mera sir utaar.
us punyabhoomi par aaj tapee!
re, aan pada sankat karaal, .
vyaakul tere sut tadap rahe
das rahe chaturdik vividh vyaal.
mere nagapati! mere vishaal!
kitanee maniyaan lut gaeen? mita
kitana mera vaibhav ashesh!
too dhyaan-magn hee raha, idhar
veeraan hua pyaara svadesh.
vaishaalee ke bhagnaavashesh se
poochh lichchhavee-shaan kahaan?
o ree udaas gandakee! bata
vidyaapati kavi ke gaan kahaan?
too tarun desh se poochh are,
goonja kaisa yah dhvans-raag?
ambudhi-antastal-beech chhipee
yah sulag rahee hai kaun aag?
praachee ke praangan-beech dekh,
jal raha svarn-yug-agnijvaal,
too sinhanaad kar jaag tapee!
mere nagapati! mere vishaal!
re, rok yudhishthir ko na yahaan,
jaane de unako svarg dheer,
par, phir hamen gaandeev-gada,
lauta de arjun-bheem veer.
kah de shankar se, aaj karen
ve pralay-nrty phir ek baar.
saare bhaarat mein goonj uthe,
har-har-bam ka phir mahochchaar.
le angadaee hil uthe dhara
kar nij viraat svar mein ninaad
too shaileeraat hunkaar bhare
phat jae kuha, bhaage pramaad
too maun tyaag, kar sinhanaad
re tapee aaj tap ka na kaal
navayug-shankhadhvani jaga rahee
too jaag, jaag, mere vishaal
himaalay