loader image

patniyaan aur premikaen – a poem by Ekta Nahar

1
patniyaan kar rahee hotee hain apadet
dijital kaimare se karaaye fotoshoot
premikaen chupake se sahej rahee hotee hain
premee ke saath aadee-tirachhee tasveeren.

2
patniyon ke lokar mein hote hain
bahumooly gahane
premikaon kee alamaaree mein
anamol prem-patr.

3
patniyaan machhalee hain, akveriyam kee
premikaen chidiya hain, aasamaan kee

premikaen paalatee hain khvaab
premee ke ghar kee machhalee ho jaane ka,
patniyaan chaahatee hain
premikaon kee tarah phir chidiya ho jaana.

4
premikaen bhaag jaatee hain ghar se
apane premee ke lie,
patniyaan chaah kar bhee rok letee hain khud ko
apane pati ke lie.

5
premikaen chhipaatee hain apane aib
premee se patnee ka darja paane ke lie,
patniyaan seekhatee hain rijhaane ke tareeqe
pati kee premika ban jaane ke lie.

6
ek din
patnee aur premika rotee hain gale lagakar
aapas mein karatee hain dulaar
ek purush ke lie
ve ek-doosare kee poorak ban gayeen.

Add Comment

By: Ekta Nahar

© 2021 Pothi | All Rights Reserved

Do not copy, Please support by sharing!