loader image

sarkas – a poem by Maithili Sharan Gupt

hokar kautoohal ke bas mein,
gaya ek din main sarkas mein.
bhay-vismay ke khel anokhe,
dekhe bahu vyaayaam anokhe.
ek bada-sa bandar aaya,
usane jhatapat laimp jalaaya.
dat kursee par pustak kholee,
aa tab tak maina yaun bolee.
‘‘haajir hai hajoor ka ghoda,’’
chaunk uthaaya usane koda.
aaya tab tak ek bachhera,
chadh bandar ne usako phera.
tattoo ne bhee kiya sapaata,
tattee phaandee, chakkar kaata.
phir bandar kursee par baitha,
munh mein churat dabaakar aintha.
maachis lekar use jalaaya,
aur dhuaan bhee khoob udaaya.
le usakee adhajalee salaee,
tote ne aa top chalaee.
ek manushy ant mein aaya,
pakade hue sinh ko laaya.
manuj-sinh kee dekh ladaee,
kee mainne is bhaanti badaee-
kise saahasee jan darata hai,
nar naahar ko vash karata hai.
mera ek mitr tab bola,
bhaee too bhee hai bam bhola.
yah sinhee ka jana hua hai,
kintu syaar yah bana hua hai.
yah pinjade mein band raha hai,
nahin kabhee svachchhand raha hai.
chhote se yah pakada aaya,
maar-maar kar gaya sikhaaya.
apaneko bhee bhool gaya hai,
aatee is par mujhe daya hai.

Add Comment

© 2023 Pothi | All Rights Reserved

Do not copy, Please support by sharing!