loader image

aag jalatee rahe – a poem by Dushyant Kumar

ek teekhee aanch ne
is janm ka har pal chhua,
aata hua din chhua
haathon se gujarata kal chhua
har beej, ankua, ped-paudha,
phool-pattee, phal chhua
jo mujhe chhoone chalee
har us hava ka aanchal chhua
… prahar koee bhee nahin beeta achhoota
aag ke sampark se
divas, maason aur varshon ke kadaahon mein
main ubalata raha paanee-sa
pare har tark se
ek chauthaee umar
yon khaulate beetee bina avakaash
sukh kahaan
yon bhaap ban-ban kar chuka,
reeta, bhatakata
chhaanata aakaash
aah! kaisa kathin
… kaisa poch mera bhaag!
aag chaaron aur mere
aag keval bhaag!
sukh nahin yon khaulane mein sukh nahin koee,
par abhee jaagee nahin vah chetana soee,
vah, samay kee prateeksha mein hai, jagegee aap
jyon ki laharaatee huee dhakane uthaatee bhaap!
abhee to yah aag jalatee rahe, jalatee rahe
jindagee yon hee kadaahon mein ubalatee rahe .

798

Add Comment

By: Dushyant Kumar

© 2021 Pothi | All Rights Reserved

Do not copy, Please support by sharing!