loader image

mere svapn tumhaare paas sahaara paane aaenge

mere svapn tumhaare paas sahaara paane aaenge
is boodhe peepal kee chhaaya mein sustaane aaenge

haule-haule paanv hilao jal soya hai chhedo mat
ham sab apane-apane deepak yaheen siraane aaenge

thodee aanch bachee rahane do thoda dhuaan nikalane do
tum dekhogee isee bahaane kaee musaafir aaenge

unako kya maaloom niroopit is sikata par kya beetee
ve aae to yahaan shankh seepiyaan uthaane aaenge

phir ateet ke chakravaat mein drshti na ulajha lena tum
anagin jhonke un ghatanaon ko doharaane aaenge

rah-rah aankhon mein chubhatee hai path kee nirjan dopaharee
aage aur badhe to shaayad drshy suhaane aaenge

mele mein bhatake hote to koee ghar pahuncha jaata
ham ghar mein bhatake hain kaise thaur-thikaane aaenge

ham kyon bolen is aandhee mein kaee gharaunde toot gae
in asaphal nirmitiyon ke shav kal pahachaane jaenge

ham itihaas nahin rach pae is peeda mein dahate hain
ab jo dhaaraayen pakadenge isee muhaane aaenge

456

Add Comment

By: Dushyant Kumar

© 2023 Pothi | All Rights Reserved

Do not copy, Please support by sharing!