“maa kah ek kahaanee.”
beta samajh liya kya toone mujhako apanee naanee?”
“kahatee hai mujhase yah chetee, too meree naanee kee betee
kah maa kah letee hee letee, raaja tha ya raanee?
maa kah ek kahaanee.”
“too hai hathee, maanadhan mere, sun upavan mein bade savere,
taat bhraman karate the tere, jahaan surabhi manamaanee.”
“jahaan surabhi manamaanee! haan maan yahee kahaanee.”
varn varn ke phool khile the, jhalamal kar himabindu jhile the,
halake jhonke hile mile the, laharaata tha paanee.”
“laharaata tha paanee, haan-haan yahee kahaanee.”
“gaate the khag kal-kal svar se, sahasa ek hans oopar se,
gira biddh hokar khag shar se, huee paksh kee haanee.”
“huee paksh kee haanee? karuna bharee kahaanee!”
chaunk unhonne use uthaaya, naya janm sa usane paaya,
itane mein aakhetak aaya, laksh siddhi ka maanee.”
“laksh siddhi ka maanee! komal kathin kahaanee.”
“maanga usane aahat pakshee, tere taat kintu the rakshee,
tab usane jo tha khagabhakshee, hath karane kee thaanee.”
“hath karane kee thaanee! ab badh chalee kahaanee.”
hua vivaad saday nirday mein, ubhay aagrahee the svavishay mein,
gayee baat tab nyaayaalay mein, sunee sabhee ne jaanee.”
“sunee sabhee ne jaanee! vyaapak huee kahaanee.”
raahul too nirnay kar isaka, nyaay paksh leta hai kisaka?
kah de nirbhay jay ho jisaka, sun loon teree baanee”
“maa meree kya baanee? main sun raha kahaanee.
koee niraparaadh ko maare to kyon any use na ubaare?
rakshak par bhakshak ko vaare, nyaay daya ka daanee.”
“nyaay daya ka daanee! toone gunee kahaanee.”