ek saphed bada-sa ola,
tha maano heere ka gola!
haree ghaas par pada hua tha,
vaheen paas main khada hua tha!
mainne poochha kya hai bhaee,
tab usane yon katha sunaee!
jo main apana haal bataoon,
kahane mein bhee lajja paoon!
par main tujhai sunaoonga sab,
kuchh bhee nahin chhipaoonga ab!
jo mera itihaas sunenge,
ve usase kuchh saar chunenge!
yadyapi main na ab raha kaheen ka,
vaasee hoon main kintu yaheen ka!
soorat meree badal gaee hai,
deekh rahee vah tumhen naee hai!
mujhmen aardrabhaav tha itana,
jal mein ho sakata hai jitana.
main motee-jaisa nirmal tha,
taral kintu atyant saral tha!
Closeclose