loader image

poochhata kyon shesh kitanee raat?

poochhata kyon shesh kitanee raat?
chhoo nakhon kee kraanti chir sanket par jinake jala too
snigdh sudhi jinkee liye kajjal-disha mein hans chala too
paridhi ban ghere tujhe, ve ungaliyaan avadaat!

jhar gaye khradyot saare,
timir-vaatyaachakr mein sab pis gaye anamol taare;
bujh gaee pavi ke hrday mein kaanpakar vidyut-shikha re!
saath tera chaahatee ekaakinee barasaat!

vyangyamay hai kshitij-ghera
prashnamay har kshan nithur poochhata sa parichay basera;
aaj uttar ho sabhee ka jvaalavaahee shvaas tera!
chheejata hai idhar too, us or badhata praat!

pranay lau kee aaratee le
dhoom lekha svarn-akshat neel-kumakum vaaratee le
mook praanon mein vyatha kee sneh-ujjaval bhaaratee le
mil, are badh rahe yadi pralay jhanjhaavaat.

kaun bhay kee baat.
poochhata kyon kitanee raat?

Add Comment

By: Mahadevi Verma

© 2023 Pothi | All Rights Reserved

Do not copy, Please support by sharing!