ghor dhanurdhar, baan tumhaara sab praanon ko paar karega,
teree pratyancha ka kampan soonepan ka bhaar harega
himavat, jad, nihspand hrday ke andhakaar mein jeevan-bhay hai
tere teekshn baanon kee nokon par jeevan-sanchaar karega .
tere kruddh vachan baanon kee gati se antar mein utarenge,
tere kshubdh hrday ke shole ur kee peeda mein thaharenge
koput tera adhar-sansphuran ur mein hoga jeevan-vedan
rusht drgon kee chamak banegee aatm-jyoti kee kiran sachetan .
sabhee uron ke andhakaar mein ek tadit vedana uthegee,
tabhee srjan kee beej-vrddhi hit jadaavaran kee mahi phategee
shat-shat baanon se ghaayal ho badha chalega jeevan-ankur
danshan kee chetan kiranon ke dvaara kaalee ama hategee .
he rahasyamay, dhvans-mahaaprabhu, jo jeevan ke tej sanaatan,
tere agnikanon se jeevan, teekshn baan se nootan srjan
ham ghutane par, naash-devata ! baith tujhe karate hain vandan
mere sar par ek pair rakh naap teen jag too aseem ban .