ham jab honge bade, dekhana
aisa nahin rahega desh.
ab bhee kuchh logon ke dil mein
napharat adhik pyaar hai kam,
ham jab honge bade, ghrna ka
naam mita kar lenge dam.
hinsa ke vishamay pravaah mein
kab tak aur bahega desh ?
bhrashtaachaar, jamaakhoree kee
aadat badee puraanee hai,
ye kureetiyaan mita hamen to
naee chetana laanee hai.
ek gharaunde jaisa aakhir
kitna aur dhahega desh ?
is kee baagador haathon mein
jara hamaare aane do,
paanv hamaare thode-se bas,
jeevan mein tik jaane do.
ham khaate hai shapath, durdasha
koee nahin sahega desh.
ham bhaarat ka jhanda himagiri
se ooncha phahara denge,
registaan banjaron tak mein
hariyaalee lahara denge.
ghor abhaavon kee jvaala mein
bilkul nahin dahega desh.