loader image

svaabhaavik daan – a poem by Balswaroop Raahi

ped kisee se nahin poochhata
kaho, kahaan se aae ?
vah to bas de deta chhaaya
chaahe jo sustae.

khilate samay na phool sochata
kaun use paega,
us kee khushaboo apanee saanson
mein bhar ittaraega.

baadal se jab saha na jaata
apane jal ka sanchay
bas vah baras baras bhar deta
nadiyaan, nahar, jalaashay.

jo svabhaav se hee daata hain
unhen na koee bhram hai,
bhed-bhaav karate hain ve hee
jin kee poonjee kam hai.

svaabhaavik daan

Add Comment

By: Balswaroop Raahi

© 2021 Pothi | All Rights Reserved

Do not copy, Please support by sharing!