loader image

niraala – a poem by Nagarjun

baal jhabare, drshti painee, phatee lungee nagn tan
kintu antardeep‍ta tha aakaash-sa unmukt man
use marane diya hamane, rah gaya ghutakar pavan
ab bhale hee yaad mein karate rahen sau-sau havan !

ksheenabal gajaraaj avaheli‍ta raha jag-bhaar ban
chhaanh tak se sahamate the shrngaalon ke praan-man
nahin angeekaar tha tap-tej ko nakalee naman
kar diya hai rog ne kya khoob bhav-baadha shaman !

raakh ko dooshit karenge dhongiyon ke ashrukan
asthi-shesh-juloos ka hoga udhar philmeekaran
shaada ke vaksh par khur-se pade lakshmee-charan
shankhadhvani mein smaarakon ke dravy ka hai apaharan !

rahe tandra mein nimeelit indr ke sau-sau nayan
karen shaasan ke mahaaprabhu ksheerasaagar mein shayan
raajaneetik akad mein jad hee raha sansad-bhavan
neharoo ko kya hua, mukh se na phoota vachan ?

kshepakon kee baadh aaee, ro rahe hain ratn kan
deh baakee nahin hai to praan mein honge na vran ?
timir mein ravi kho gaya, din lupt hai, besudh gagan
bhaaratee sir peetatee hai, lut gaya hai praanadhan !

niraala

456

Add Comment

© 2023 Pothi | All Rights Reserved

Do not copy, Please support by sharing!