loader image

thoda sa – a poem by Ashok Vajpayee

agar bach saka
to vahee bachega
ham sab mein thoda sa aadamee–

jo raub ke saamane nahin gidagidaata,
apane bachche ke nambar badhavaane nahin jaata maastar ke ghar

jo raaste par pade ghaayal ko sab kaam chhodakar
sabase pahale aspataal pahunchaane ka jatan karata hai,
jo apane saamane huee vaaradaat kee gavaahee dene se nahin hichakichaata

vahee thoda-sa aadamee–
jo dhokha khaata hai par prem karane se nahin chookata

jo apanee betee ke achchhe frok ke lie
doosare bachchon ko thigade pahanane par majaboor nahin karata

jo doodh mein paanee milaane se hichakata hai,
jo apanee chupadee khaate hue doosare kee sookhee ke baare mein sochata hai

vahee thoda sa aadamee–
jo boodhon ke paas baithane se nahin oobata
jo apane ghar ko cheezon ka godaam hone se bachaata hai

jo duhkh ko arzee mein badalane kee majabooree par duhkhee hota hai
aur duniya ko narak bana dene ke lie doosaron ko hee nahin kosata

vahee thoda sa aadamee–
jise khabar hai ki
vrksh apanee pattiyon se gaata hai aharah ek hara gaan,
aakaash likhata hai nakshatron kee jhilamil mein ek deept vaaky,
pakshee aangan mein bikher jaate hain ek agyaat vyaakaran

vahee thoda sa aadamee–
agar bach saka to
vahee bachega.

Add Comment

By: Ashok Vajpayee

© 2021 Pothi | All Rights Reserved

Do not copy, Please support by sharing!