aankhen mujhe talavon se vo malane nahin dete
aramaan mire dil ke nikalane nahin dete
khaatir se tiree yaad ko talane nahin dete
sach hai ki hameen dil ko sanbhalane nahin dete
kis naaz se kahate hain vo jhunjhala ke shab-e-vasl
tum to hamen karavat bhee badalane nahin dete
paravaanon ne faanoos ko dekha to ye bole
kyoon ham ko jalaate ho ki jalane nahin dete
hairaan hoon kis tarah karoon arz-e-tamanna
dushman ko to pahaloo se vo talane nahin dete
dil vo hai ki fariyaad se labarez hai har vaqt
ham vo hain ki kuchh munh se nikalane nahin dete
garmee-e-mohabbat mein vo hain aah se maane
pankha nafas-e-sard ka jhalane nahin dete