loader image

Famous sher of Shakeel Badayuni

ai mohabbat tire anjaam pe rona aaya
jaane kyoon aaj tire naam pe rona aaya


ab to khushee ka gam hai na gam kee khushee mujhe
be-his bana chukee hai bahut zindagee mujhe


kaise kah doon ki mulaaqaat nahin hotee hai
roz milate hain magar baat nahin hotee hai


jaane vaale se mulaaqaat na hone paee
dil kee dil mein hee rahee baat na hone paee


kabhee yak-ba-yak tavajjoh kabhee dafatan tagaaful
mujhe aazama raha hai koee rukh badal badal kar


un ka zikr un kee tamanna un kee yaad
vaqt kitana qeematee hai aaj kal


mere ham-nafas mere ham-nava mujhe dost ban ke daga na de
main hoon dard-e-ishq se jaan-ba-lab mujhe zindagee kee dua na de


unhen apane dil kee khabaren mire dil se mil rahee hain
main jo un se rooth jaoon to payaam tak na pahunche


yoon to har shaam umeedon mein guzar jaatee hai
aaj kuchh baat hai jo shaam pe rona aaya


mujhe dost kahane vaale zara dostee nibha de
ye mutaalaba hai haq ka koee iltija nahin hai


987

Add Comment

By: Shakeel Badayuni

© 2023 Pothi | All Rights Reserved

Do not copy, Please support by sharing!