baat jab hai gam ke maaron ko jila de ai shakeel
too ye zinda mayyaten mittee mein daab aaya to kya
ujaale garmee-e-raftaar ka hee saath dete hain
basera tha jahaan apana vaheen tak aaftaab aaya
suna hai zindagee veeraaniyon ne loot lee mil kar
na jaane zindagee ke naaz-baradaaron pe kya guzaree
phir vahee johad-e-musalasal phir vahee fikr-e-maaash
manzil-e-jaanaan se koee kaamayaab aaya to kya
allaah re be-khudee ki ham un ke hee roo-ba-roo
be-ikhtiyaar unhee ko pukaare chale gae
miree tez-gaamiyon se nahin barq ko bhee nisbat
kaheen kho na jae duniya mire saath saath chal kar