jab hua zikr zamaane mein mohabbat ka shakeel
mujh ko apane dil-e-naakaam pe rona aaya
mujhe to qaid-e-mohabbat azeez thee lekin
kisee ne mujh ko giraftaar kar ke chhod diya
chaahie khud pe yaqeen-e-kaamil
hausala kis ka badhaata hai koee
mujhe chhod de mere haal par tira kya bharosa hai chaaraagar
ye tiree navaazish-e-mukhtasar mera dard aur badha na de
kaanton se guzar jaata hoon daaman ko bacha kar
phoolon kee siyaasat se main begaana nahin hoon
tum phir usee ada se angadaee le ke hans do
aa jaega palat kar guzara hua zamaana
tark-e-may hee samajh ise naaseh
itanee pee hai ki pee nahin jaatee
mohabbat hee mein milate hain shikaayat ke maze paiham
mohabbat jitanee badhatee hai shikaayat hotee jaatee hai
ye ada-e-be-niyaazee tujhe bevafa mubaarak
magar aisee be-rukhee kya ki salaam tak na pahunche
naee subh par nazar hai magar aah ye bhee dar hai
ye sahar bhee rafta rafta kaheen shaam tak na pahunche