be-taalluq tire aage se guzar jaata hai
ye bhee ik husn-e-talab hai tire deevaane ka
har cheez nahin hai marakaz par ik zarra idhar ik zarra udhar
nafarat se na dekho dushman ko shaayad vo mohabbat kar baithe
daleel-e-taabish-e-eemaan hai kufr ka ehasaas
charaag shaam se pahale jala nahin karate
ye kis khata pe rooth gaee chashm-e-iltifaat
ye kab ka intiqaam liya mujh gareeb se
hae vo zindagee kee ik saat
jo tiree baaragaah mein guzaree
ham se may-kash jo tauba kar baithen
phir ye kaar-e-savaab kaun kare
sab karishmaat-e-tasavvur hain shakeel
varna aata hai na jaata hai koee
rind-e-kharaab-nosh kee be-adabee to dekhie
niyyat-e-may-kashee na kee haath mein jaam le liya
lamhaat-e-yaad-e-yaar ko sarf-e-dua na kar
aate hain zindagee mein ye aalam kabhee kabhee
shaguftagee-e-dil-e-kaaravaan ko kya samajhe
vo ik nigaah jo ulajhee huee bahaar mein hai