loader image

giraftaar hone vaale hain

‘‘giraftaar hone vaale hain, aata hai vaarant abhee.’’
dhak-sa hua hrday, main sahamee, hue vikal saashank sabhee.
kintu saamane deekh pade muskura rahe the khade-khade.
ruke nahin, aankhon se aansoo sahasa tapake bade-bade.
‘‘pagalee, yon hee door karegee maata ka yah raurav kasht?’’
‘ruka veg bhaavon ka, deekha aha mujhe yah gaurav spasht.
tilak, laajapat, shree gaandheejee, giraftaaree bahubaar hue.
jel gaye, janata ne pooja, sankat mein avataar hue.
jel! hamaare manamohan ke pyaare paavan janm-sthaan.
tujhako sada teerth maanega krshn-bhakt yah hindustaan.
main praphull ho uthee ki aaha! aaj giraftaaree hogee.
phir jee dhadaka, kya bhaiya kee sachamuch taiyaaree hogee!!
aansoo chhalake, yaad aagayee, raajapoot kee vah baala.
jisane vida kiya bhaee ko dekar tilak aur bhaala.
sadiyon soyee huee veerata jaagee, main bhee veer banee.
jao bhaiya, vida tumhen karatee hoon main gambheer banee.
yaad bhool jaana meree us aansoo vaalee mudra kee.
keeje yah sveekaar badhaee chhotee bahin ‘subhadra’ kee.

639

Add Comment

© 2023 Pothi | All Rights Reserved

Do not copy, Please support by sharing!