kathin prayatnon se saamagree main batorakar laee thee.
badee umangon se mandir mein, pooja karane aaee thee.
paas pahunchakar jo dekha to aaha! dvaar khula paaya.
jisakee lagan lagee thee usake darshan ka avasar aaya.
harsh aur utsaah badha, kuchh lajja, kuchh sankoch hua.
utsukata, vyaakulata kuchh kuchh, kuchh sambhram, kuchh soch hua.
man mein tha vishvaas ki unake ab to darshan paoongee.
priyatam ke charanon par apana main sarvasv chadhaoongee.
kah doongee antaratam kee, mein unase nahin chhipaoongee.
maanini hoon, par maan tajoongee, charanon par bali jaoongee.
pooree huee saadhana meree, mujhako paramaanand mila.
kintu badhee to hua are kya? mandir ka pat band mila.
nithur pujaaree! yah kya? mujh par tujhe tanak na daya aaee?
kiya dvaar ko band haay! mein priyatam ko na dekh paee?
karake krpa, pujaaree! mujhako zara vahaan tak jaane de.
mujhako bhee thodee see pooja priyatam tak pahunchaane de.
chhoone de unake charanon ko, jeevan saphal banaane de.
khol-khol de dvaar pujaaree! man kee vyatha mitaane de.
bahut badee aasha se aaee hoon, mat too kar mujhe niraash.
ek baar, bas ek baar too jaane de priyatam ke paas.
Closeclose