loader image

rooh-e-tagazzul – a nazm by Lala Anoop Chand

main apane qalb mein jab noor-e-irafaan dekh leta hoon
to har zarra mein ik khursheed-e-taabaan dekh leta hoon

mita kar apanee hastee raah-e-haq mein khul gaeen aankhen
ki mar kar zindagee ka raaz-e-pinhaan dekh leta hoon

haqeeqee ishq ka jazba hai dil mein jis kee barakat se
hayaat aur maut ke asaraar-e-uryaan dekh leta hoon

kie hain ishq aur ulfat ke saare marahale jab tay
to duniya bhar kee har mushkil ko aasaan dekh leta hoon

chhupa sakata nahin too khud ko mujh se laakh pardon mein
tiree soorat har ik shay mein numaayaan dekh leta hoon

kahaanee kya sunaoon dil-jalon kee gam ke maaron kee
ki uthata chaar-soo ik gam ka toofaan dekh leta hoon

tadap hai dard hai ranj-o-alam hai be-qaraaree hai
ye mulk aur qaum ka haal-e-pareshaan dekh leta hoon

isee pyaare vatan hindostaan kee gair haalat hai
ki jis par gair ko bhee aaj naazaan dekh leta hoon

nikalatee hai agar ik aah bhee mazaloom ke dil se
zameen se arsh tak har shay ko larzaan dekh leta hoon

ghataen gam kee sar par chha gaeen jo hind vaalon ke
dar-o-deevaar ko bhaarat ke giryaan dekh leta hoon

abhee hindostaan ke din bhale aae nahin shaayad
ki main ladate hue hindoo musalamaan dekh leta hoon

na kyoon ai aaftaab aae nazar ummeed kee soorat
ki jab takaleef mein raahat ke saamaan dekh leta hoon

rooh-e-tagazzul 

632

Add Comment

© 2022 Pothi | All Rights Reserved

Do not copy, Please support by sharing!