loader image

kushalta kee hadd – a poem by Kumar Ambuj

yaayaavaree aur aajeevika ke raaston se guzarana hee hota hai
aur jaisa ki kaha gaya hai isamen koee saavadhaanee kaam nahin aatee
balki akushalata hee detee hai kuchh door tak saath

jo kahate hain: hamane yah raasta kaushal se chuna
ve yaad kar sakate hain:
unhen is raah par dhakela gaya tha

jeevan reetata chala jaata hai aur bharee botal ka
dhakkan theek se kholana kisee ko nahin aata
akasar drav chhalak jaata hai kameez aur paint kee sandhi par
chhotee see baat hai lekin gilaas se paanee pie lamba vaqt guzar jaata hai
har jagah botal milatee hai jisase paanee peena bhee hai ek kushalata

jo nipun hain anek kriyaon mein ve jaanate hee hain
ki visheshagy hona nae sire se nausikhiya hona hai

kushalta kee hadd hai ki ek din ek phool ko
kren se uthaaya jaata hai.

996
By: Kumar Ambuj

© 2023 Pothi | All Rights Reserved

Do not copy, Please support by sharing!